Хрватскиот првак Динамо Загреб има план да го врати легендарниот капитен Аријан Адеми. Македонскиот репрезентативец цели 13 години го носеше дресот на хрватскиот гигант кога реши да си замине и на 30 март направи трансфер во кинескиот Гуан.
Трансферот на Адеми беше за еден милиони евра и играчот за врска во кинескиот тим досега одигра 18 натпревари, во кои постигна два гола, а имаше и три асистенции. Адеми во Динамо играше од 2010 до 2023 година, период во којшто одигра 359 натпревари, даде 41 гол и имаше 30 асистенции, а стана најтрофеен фудбалер во историјата на клубот и играч со најмногу настапи на европската сцена.
Позитивно мислење за враќање на Адеми има и од новиот тренер на Динамо, Сергеј Јакировиќ, а веќе бил воспоставен и контакт со фудбалерот за негово враќање на „Максимир“.
Адеми има договор со Гуан до 31 декември 2025 година и тешко дека кинескиот тим ќе сака да го пушти. Според Трансфермаркт, вредноста на Адеми сега се проценува на 2,5 милиони евра.
