Кошаркарските репрезентации на Филипини и Доминиканска Република испишаа историја на Светските првенства играјќи пред најголем број на гледачи.
Иако неколку часа пред почетокот на мечот, коорганизаторот СП објави дека се продадени 45.000 влезници за мечот кој се играше во Арената „Филипино“ во Манила, на крајот дуелот против Доминиканската Република го следеа 38.115 гледачи, со што е соборен рекордот од СП 1994.
Пред 29 години, дуелот меѓу САД и Русија го следеа 32.616 гледачи.
Making 𝐇𝐈𝐒𝐓𝐎𝐑𝐘 in Manila 🤩
3️⃣8️⃣,1️⃣1️⃣5️⃣ fans packed Philippine Arena, setting a new FIBA Basketball World Cup record as the 2023 edition started with PUSO and passion!#FIBAWC x #WinForAll pic.twitter.com/PCoE67plIP
— FIBA Basketball World Cup 🏆 (@FIBAWC) August 25, 2023
На историскиот возбудлив натпревар славеше Доминиканска Република со 87:81. Најдобар кај победничката селекција беше НБА-ѕвездата Карл-Ентони Таунс со 26 постигнати поени, додека кај Филипини блескаше Џордан Кларксон со 28 поени.
Германија предводена од Мориц Вагнер кој даде 25 поени, релативно лесно со 81:63 го победи коорганизаторот на СП, Јапонија.
Уште еден фаворит дојде до лесна и убедлива победа, Литванија со 93:67 го совлада Египет.
