Фудбалерите на Арсенал во првиот премиерлигашки дуел во 2024 година славеа со убедливи 5:0 против Кристал палас.
Со триумфот, Топчиите се израмнија на второто место на табелата со Манчестер сити, двата тима имаат по 43 бода, но Граѓаните имаат натпревар помалку, исто како и лидерот Ливерпул кој им бега за два бода.
Арсенал на “Емирати“ без поголеми проблеми дојде до 13-та победа во 21-то коло во Премиер лигата и притоа покажа зошто е најопасна екипа од корнерите.
9 & 10 – Arsenal have scored more goals from corners than any other team in the Premier League this season (9), while their 10 headed goals are also the most of any side. Choreographed. pic.twitter.com/MzmR6SYirj
— OptaJoe (@OptaJoe) January 20, 2024
Првите два гола беа постигнати од нафрлени топки од корнер, првиот во десеттата минута од страна на Габриел. Голот на дефанзивецот на Топчиите може да го видите ТУКА.
Вториот гол на Арсенал е автогол на голманот Дин Хендерсон кој неспретно интервенираше по шутот на Габриел.
Во второто полувреме, Арсенал постигна уште три гола. Прво во листата на стрелци се запиша и Леандро Тросар кој во 59-та минута зголеми на 3:0. Голот на Тросар може да го видите на следниот ЛИНК.
Во судиското продолжение, Арсенал постигна два гола и тоа преку Мартинели за убедливи 5:0.
