Ливерпул ќе биде противникот на Челзи во финалето на англискиот Лига куп, натпреварување во кое не се користи ВАР-технологија.
Во второто полуфинале Ливерпул го елиминира Фулам. Вечерва во Лондон, Фулам и Црвените одиграа 1-1, а понатаму оди тимот на менаџерот Јирген Клоп затоа што првиот дуел го доби со 2-1. Фулам го бркаше своето прво финале, но немаше сили за подвиг.
Финалето помеѓу Ливерпул и Челзи ќе се одржи на 25 февруари на „Вембли“ во Лондон. Ливерпул ќе оди по рекордна десетта титула во Лига купот, последен пат ова натпреварување го освоија во 2022 година, кога на пенали славеа токму над Сините. Челзи има пет трофеи во овој куп, последниот во 2015 година.
