Шпанскиот тренер, Чаби Алонсо, го привлече вниманието кон себе оваа сезона со одличните игри на Баер Леверкузен, клубот кој го предводи од клупата. „Фармацевтите“ од Леверкузен се многу блиску до трофејот во Бундес лигата, во полуфиналето на Купот на Германија се единствениот прволигаш, а одлично им оди и во Европа.
Тоа беше причина екипи како Баерн Минхен и Ливерпул да се обидат да го ангажираат, но сега самиот тренер најави дека и следната сезона останува во Леверкузен и нема намера да си замине.
„Имав разговори со раководството на клубот и им соопштив дека сакам да останам. После многу приказни околу мојата иднина одлучив да ја искористам оваа пауза, да размислам и да донесам одлука. Ова е најдоброто место за мене. Нема да коментирам за Ливерпул и Баерн. Тоа се големи клубови и со нив сум поврзан поради минатото. Сепак, сега сум на местото каде сакам да бидам. Не е време сега да зборувам за иднината, сакам дополнително да го развивам Баер. Благодарен сум на Баер, на раководството, играчите и навивачите. Чувствувам дека вака е најдобро. На играчите веќе им ја соопштив одлуката“ – рече Алонсо.
OFICIAL:
Xabi Alonso ha anunciado al comienzo de su rueda de prensa que SE QUEDA en el Bayer Leverkusen la próxima temporada.
Según dice, tuvo una reunión con la directiva la semana pasada y entonces les comunicó su decisión de seguir como entrenador. pic.twitter.com/1PAU0rb5Rb
— Andrés Weiss (@andresweiss_) March 29, 2024
