Далас маверикс поведе со 2:1 во победи против Лос Анџелес клиперс откако со 101:90 славеше на свој терен. Гостите добро започнаа во првата четвртина која ја добија со пет разлика (23:18), а потоа најмногу водеа и со седум поени (32:25). Потоа следи серија од 12:0 за Далас кој го превзема водството (37:32), за да неколку минути подоцна домаќините стигнат и до двоцифрена предност од 52:39.
Во текот на второто полувреме Далас постојано имаше сигурно водство и на крајот, без многу возбудувања и драми стигна до триумф кој ги донесе во водство од 2:1. Лука Дончиќ со 22 поени, 10 скока и девет асистенции очекувано беше предводникот на Далас, но по средбата Словенецот се пожали на болка во коленото.
„Коленото во моментов ми е прилично вкочането. Ќе видиме утре како ќе биде. Ме знаете мене, ќе се обидам да го дадам најдоброто“, рече Дончиќ по мечот.
Luka Doncic's near triple-double leads the @dallasmavs to the huge Game 3 win to take a 2-1 series lead!
22 PTS | 10 REB | 9 AST | W#NBAPlayoffs presented by Google Pixel pic.twitter.com/dVLoRoI0vx
— NBA (@NBA) April 27, 2024
Кајри Ирвинг даде 21 поени кај победничкиот тим, додека кај Клиперс најпрецизни беа Харден и Пауел со по 21 поени.
Драматично беше во Индијана, каде домаќините дури по дополнителни пет минути го победија Милвоки и тоа со 121:118. Во регуларниот дел мечот заврши 111:111, откако гостите погодија тројка за израмнување, но сепак немаа сили за комплетен пресврт.
Индијана од почетокот на мечот доминираше и брзо поведе со 39:20, а високата предност ја имаше и пред крајот на третаѕа четввртина кога беше 86:74. Сепак Милвоки се врати, полека ја намалуваше негативата, на крајот стигна до нерешено, но сепак гостите во дополнителните пет минути потклекнаа и Индијана стигна до 2:1 во победи.
Најлесна задача имаше Минесота која со 126:109 го победи Феникс на гости и стигна до 3:0 во победи. На Минесота сега им е потребен само уште еден триумф за пласман во втората рунда на плејофот.
