Лука Модриќ им се приклучи на колегите од хрватската репрезентација пред вечерашното гостување кај Португалија, и објави фотографии од средбата со Жозе Мурињо, португалскиот тренер кој го донесе Лука во Реал Мадрид во 2012 година.
Мурињо ја пречека хрватската репрезентација во нивниот хотел, а најголем дел од времето разговараше со капитенот Лука Модриќ, како и со голманот Доминик Ливаковиќ со кој ќе соработува во Фенербахче.
Модриќ за средбата ги извести своите следбеници на социјалните мрежи. Објавата на Инстаграм има околу еден милион лајкови.
„Господине, секогаш е задоволство да те гледам! Засекогаш благодарен! Специјален и вистински Реален!“, напиша Модриќ.
