Легендата на Милан, но и на светскиот фудбал, Златан Ибрахимовиќ, гостуваше во поткаст на социјалните мрежи. Меѓу многуте прашања, доби и едно незгодно и требаше да каже кој е подобар фудбалер, Лионел Меси или Кристијано Роналдо.
Сепак, Златан не би бил Златан доколку не одговори во свој стил.
„Златан“ – без двоумење одговори Ибрахимовиќ, на што водителот направи гримаса, а Швеѓанецот со балкански корени продолжи: „Сакаш да бидам сериозен? Златан е најдобриот“.
