Тиквеш води голема битка со исландски Брејдаблик за место во второто квалификациско коло од Конференциската лига.
Кавадарчани го добија првиот меч дома со 3-2, откако направија пресврт по 0-2, а вечерва на Исланд, Тиквеш поведе во деветтата минута, но домашните во средина на второто полувреме водат со 2-1 и ако вака заврши мечот, ќе се играат продолженија.
Интересот за мечот е голем во Кавадарци, без разлика дали се млади, повозрасни, машки или женски, на сите срцата им чукаат за Тиквеш и пласман во следната рунда. Група основци кои заедно се на одмор се собраа за да го гледаат натпреварот на интернет-стрим и навиваат за Тиквеш.
„Дури 130 ученици од О.О.У ,,Тоде Хаџи Тефов’’ Кавадарци, кои се на летување во детското одмаралиште Михајлово, го бодрат нашиот тим и навиваат за победа на Тиквеш. СИТЕ СМЕ ЗА ТИКВЕШ“, објави на „Фејсбук“, градоначалникот на Кавадарци, Митко Јанчев.
