Милан го победи Реал Мадрид со 1-0 во пријателскиот натпревар одигран во Чикаго. Решавачкиот гол го постигна Самуел Чуквуезе во 55-тата минута.
Бидејќи се работеше за пријателски натпревар, тренерите на двете екипи Карло Анчелоти и Пауло Фонсека направија по десетина замени.
На почетокот од второто полувреме во игра во тимот на Реал влезе и Цезар Паласиос (19), шпански офанзивен играч од средниот ред кој првпат настапи за првиот тим.
Шпанскиот медиум „АС“ го нарекува еден од „дијамантите“ на клупската академија.
Arropado por todos sus compañeros: la desesperación de César Palacios, que tuvo que ser sustituido por lesión poco después de entrar al partido. No parece grave, pero el jugador se va con el disgusto de haber durado cinco minutos el día del debut…
— MARCA (@marca) August 1, 2024
📹 @jdelriomuradas pic.twitter.com/e4Ru8VtoXq
За жал, нема да го памети по добро своето деби. Само пет минути откако стапна на теренот, неговото колено настрада во дуел со дефанзивецот на Милан, Малик Тијао.
Палациос остана да лежи на теренот и се фати за коленото. Лекарите му пријдоа, а Анчелоти веднаш го повлече од игра.
„Паласиос има проблеми со коленото, не изгледа добро“, изјави Анчелоти по натпреварот.
Потоа и шпанските медиуми објавија дека Паласиос е потешко повреден. Станува збор за проблем со предните вкрстени лигаменти, поради што ќе ги напушти подготовките на Реал Мадрид во САД и ќе се врати во Шпанија. Ќе направи дополнителни прегледи за да се утврди дали е потребна операција.
