Олимписката боксерска шампионка Имане Келиф имаше фантастичен пречек во својот Алжир по освојувањето на златниот медал во Париз, што беше проследено со бројни контроверзии.
Алжирската освојувачка на златен медал во полутешка категорија вчера пристигна во главниот град на својата земја заедно со другите медалисти, како гимнастичарката Кајлија Немур и тркачот Џамел Сеџати. Пречекот беше организиран од министерот за спорт Абдерахман Хамад, а до крајот на неделата, трофејните алжирски олимпијци ќе се сретнат и со претседателот Абделмаџид Тебуне.
🚨Première déclaration d’Imane Khelif sur le sol Algérien :
— Algérie Football Média 🇩🇿 (@DZFOOTBALLDZ) August 12, 2024
« Tout d’abord, je remercie Allah pour ces résultats. Nous sommes très contents d’être là avec Djamel et Kaylia en présence de nos familles. C’est une joie immense de vivre ça. »#ImaneKhelif pic.twitter.com/yMx1ZNBFPG
Имане Келиф стана една од главните приказни на Олимписките игри во Париз откако нејзината ривалка Ангела Карини се повлече во првата минута од нивниот дуел. Италијанката, во солзи, изјави дека никогаш не добила толку силен удар.
По ова, јавноста „експлодира“, вклучувајќи и многу познати личности, кои го доведоа во прашање нејзиното учество и тврдеа дека е маж поради вишок на тестостерон.
„Осум години ова беше мојот сон, а сега сум олимписка шампионка и освојувачка на златен медал. Сите тие напади му даваат посебен вкус на мојот успех“, изјави Келиф пред собраните навивачи.
Алжирската боксерка поднесе тужба до париските власти, истакнувајќи дека била жртва на онлајн злоупотребување.
