Поранешниот македонски фудбалски репрезентативец Илија Несторовски во новата сезона ќе биде дел од екипата на Славен Белупо. Медиумите во Хрватска веќе го најавија враќањето на најдобриот стрелец од сезоната 2014/15, кога прилепчанецот во дресот на Интер Запрешиќ постигна 25 гола, а потоа направи трансфер во Палермо.
Триесет и четиригодишниот фудбалер потекнува од екипата на Победа, а пред да дојде во Интер Запрешиќ, настапуваше и за Словачко, Викторија Жижков и Металург. Во Италија го носеше дресот на Палермо, Удинезе и Асколи, а за репрезентацијата на Македонија одигра 52 натпревари на кои постигна 10 гола.
Несторовски сигурно ќе биде големо засилување за екипата на Славен Белупо, која имаше слаб старт на сезоната во Хрватска.
