Килијан Мбапе беше двоен стрелец во победата на Реал Мадрид над Бетис од 2-0 и не ја криеше радоста од головите кои дојдоа по постот од три лигашки мечеви без гол.
„Прекрасен момент. Се надевав дека ќе постигнам гол на овој легендарен стадион, најдобар во светот, но најважна е победата. Важно беше да се победи. Беше тешко, но ние сме Реал Мадрид. Три натпревари без гол за некои не се ништо, но за мене се многу. Луѓето во клубот и навивачите ми дадоа доверба и ќе продолжам да давам максимум за овој клуб“, рече Мбапе.
Мбапе им се заблагодари на Валверде, за одличната асистенција со пета, и на Винисиус, што му дозволи да го изведе пеналот.
