Тренерот на Реал Мадрид, Карло Анчелоти, призна дека е изненаден од поразот (1-0) од Лил во Лигата на шампионите. Тој изјави дека неговиот тим не е навикнат на вакви резултати, но додаде дека победата на Французите е сосема заслужена со оглед на нивната игра на натпреварот.
„Не сме навикнати на вакви резултати. Противникот ја заслужи победата. Тие беа подобри во дуелите, но и во други сегменти. Мора да го прифатиме ова. Треба да извлечеме поука од нашите грешки. Тие беа истите како и при нашиот последен пораз. Мора да учиме од овие неуспеси“, изјави Анчелоти.
„Направивме многу грешки во првото полувреме, имавме проблеми со контранападите и не бевме доволно агресивни. Не успеавме да создадеме шанси, не се снаоѓавме добро ниту во поседот на топката. Бевме бавни и ни недостигаа идеи. Имаме напаѓачи кои треба да играат поагресивно, а кога не можеме да им обезбедиме добри топки, станува тешко“, додаде Италијанецот.
Анчелоти вели дека мора да се извлечат поуки од овој пораз во Лигата на шампионите.
„Сепак, сметам дека можеме да извлечеме заклучоци. Тоа е важно. Треба да ја подобриме нашата игра бидејќи нѐ чекаат уште многу натпревари. Расположението во тимот останува добро, но имаме на што да работиме. Не е доволно само да зборуваме, треба и да делуваме. Ова не беше добар натпревар, но секогаш мора да продолжиш да се бориш“, заврши стратегот на Реал Мадрид.
