Кошаркарите на Олимпија Милано го забележаа третиот пораз во Евролигата оваа сезона откако на домашен терен загубија од Жалгирис со 82-85. Италијанскиот тим имаше водство во најголемиот тек од мечот, имаше предност од 60-33 во третиот период, но на крајот дозволи да загуби откако Жалгирис направи неверојатен пресврт.
Ненад Димитријевиќ беше стрелец на 11 кошеви, а имаше и четири асистенции и два скока за 24 минути на паркетот. Довидас Гедраитис со 21 поен го предводеше Жалгирис до победата.
Партизан го победи Макаби Тел Авив со 79-91 на дуелот во Белград, во кој сепак избраниците на Жељко Обрадовиќ се водеа како гости. Најдобар стрелец во тимот на Партизан беше Стерлинг Браун со 20 постигнати поени.
Реал Мадрид славеше против Панатинаикос со 90-86, а Фенербахче го доби дуелот на гости против Алба Берлин (71-78).
Баерн Минхен го совлада Парис со 109-107, а македонскиот репрезентативец Ти-Џеј Шортс беше стрелец на 22 поени во поразениот тим. Додаде и девет асистенции и два скока на своето одлично издание.
