Родриго Ернандес од Манчестер сити синоќа стана првиот Шпанец по пауза од 64 години кој ја добил Златната топка за најдобар фудбалер во изборот на „Франс фудбал“, од годинава поддржана и од УЕФА, па логично беше Родри да го прослави големиот личен успех.
Плејмејкерот е повреден и не може да скока и долго да стои без помош од патерици, но и седнат жестоко прославувал, како што може да се види на снимките. Се пееле „Rodri is on fire“ и „Bella ciao“, а некои навивачи на Реал Мадрид кои не можат да се помират со „неправдата“ што Винисиус не е освојувач на наградата велат дека „Бела чао“ се пеела и со верзија „Винисиус чао“, но тоа се разбира го нема на видеото кое го објави Манчестер сити.
https://twitter.com/i/status/1851209252196827571
