Едно од најголемите дерби-мечеви во Јужна Америка е кога играат градските ривали Коринтијанс и Палмеирас. Екипата на Коринтијанс го искористи домашниот терен и победи со 2:0, што беше голем шок за Палмеирас, кој остана на 61 бод и сега во трката за титулата заостанува три бода зад лидерот Ботафого.
Покрај двата гола, по еден во двете полувремиња, дербито го одбележа и еден необичен момент. Во 28-мата минута, при резултат 0:0, дербито на Сао Пауло беше за момент прекинато откако од трибините на теренот беше фрлена свинска глава, и тоа од страната каде што беа домашните навивачи.
A Corinthians fan threw a pig head on the pitch during the derby 😭
Note: Palmeiras are called the pigs pic.twitter.com/DK5FIdMJzw
— Ginga Bonito 🇧🇷 (@GingaBonitoHub) November 4, 2024
Се претпоставува дека свинската глава била наменета за фудбалерите на Палмеирас затоа што овој тим како погрдно име ги викаат „Свињи“.
🇧🇷🐷 During a Corinthians vs. Palmeiras game, a pig’s head was thrown onto the field…
— CentreGoals. (@centregoals) November 5, 2024
Ова не е прв на големо дерби да биде фрлена свинска глава. Најпознатиот ваков инцидент се случи пред повеќе од 20 години, поточно во 2002 година, кога навивачите на Барселона го гаѓаа Луис Фиго, Португалецот кој направи трансфер од каталонскиот гигант во Реал Мадрид. Тој инцидент се случи на првото Ел Класико што Фиго го одигра во дресот на Реал Мадрид на „Камп ноу“.
