Инциденти во Белград како вовед во вечерашниот натпревар од Лигата на шампионите помеѓу Црвена ѕвезда и Штутгарт. Навивачката група на Црвена ѕвезда, позната како Делии, нападна навивачи на Штутгарт кои допатувале во Белград за поддршка на својот тим.
Инцидентот се случил во центарот на Белград, на Зелен венец, каде што група навивачи на Штутгарт, кои биле во кафулиња, биле нападнати.
Delije pretukle navijače Štutgarta pic.twitter.com/5csa57kCpy
— FantomBeograda (@FantomBeograda) November 27, 2024
Според српскиот „Телеграф“, настанот прераснал во физичка пресметка, во која еден од навивачите на германскиот тим завршил со тешки повреди.
Снимки од инцидентот брзо се проширија на социјалните мрежи, а очевидци велат дека нападнатите зборувале на турски и германски јазик.
Навивачите на Штутгарт биле предупредени пред патувањето за можни инциденти со домашната навивачка група, која била опишана како насилна и поврзана со криминални активности.
