Фиорентина и седми натпревар по ред во сите натпреварувања остана без победа, откако одигра само 1-1 на домашен терен против Торино. Шест од овие седум меча се во Серија А, а на нив „виолетовите“ освоија само два бода.
Моис Кин 38-мата минута ја донесе Фиорентина во водство, а само пет минути претходно Торино остана со играч помалку откако беше исклучен Дембеле. Сепак, гостите и покрај бројчаниот дефицит на теренот, успеаја да се спасат од пораз и да израмнат на 1-1 преку Гвидас Гинеитис, кој знаеше како да го искористи киксот на домашната одбрана.
