Јувентус има три опции за наследник на Масимилијано Алегри. Според весникот „Ла Република“, како главен фаворит за заменик на Алегри се споменува стратегот на Тотенхем, Маурисио Покетино. Аргентинскиот стратег заврши одлична работа со Тотенхем сезонава. Му обезбеди на лондонскиот тим место во Лигата на шампиони за следната сезона, но и допрва треба да игра во финалето на Лигата на шампиони, каде противник му е Ливерпул.
Покетино воодушеви посебно со својата филозофија да не купува ниту еден играч сезонава и со „старите сили“ покажа дека може да се стигне до самиот крај.
Освен Покетино, како можни наследници на Алегри се споменуваат Леонардо Жардим и Џан Пјеро Гасперини. Јувентус ос Алегри на клупата покажа доминација во Серија А, но кога се работеше за резулати во Лигата на шампионите, тука следуваше разочарување.
