Никола Матлиевски вели дека имаме одлична група на Европското првенство следната година и во конкуренција на еден од домаќините Австрија, потоа и Чешка и Украина имаме шанси да ја минеме фазата по групи.
„Со сите три селекции можеме да се надигруваме и ждрепката е одлична за нас. Секако ќе атакуваме на првото место, за да пренесеме повеќе бодови во следната фаза“, изјави Матлиевски за „Телма“.
Асистентот на селекторот Данило Брестовац, очекува и голема поддршка од нашите навивачи за натпреварите во Виена.
„Очекувам повторно голем број наши навивачи да дојдат во Виена и да не бодрат. Да се чуствуваме како домаќини, во амбиент што често нашите симпатизери знаат да го направат“, додаде Матлиевски.
