Ромелу Лукаку пред неколку дена пристигна во Интер како големо засилување. Белгискиот репрезентативец дојде од Манчестер јунајтед за сума од 75 милиони евра, што е трет најскап трансфер во историјата на Серија А.
Денеска, Лукаку го одигра првиот меч во дресот на Интер и тоа против носколигашот Виртус Бергамо. Очекувано, Интер победи убедливо, со 8:0, а Лукаку немаше милост кон противниците. Новиот голгетер на Нераѕурите даде четири гола. По два пати во листата на стрелци се запишаа Вечино и Еспозито.
На овој меч, за Интер настапија играчи кои не беа дел или одиграа само неколку минути на дуелот против Валенсија, како и фудбалери од младинскиот тим.
