Црногорскиот кошаркарски клуб Подгорица потпиша договор со грчкиот интернационалец Александрос „Алекс“ Адетокумбо, најмладиот и најнизок од петте браќа со нигериско потекло од кои најславен е Јанис, а и Костас игра во НБА лигата.
Ова е сензационален трансфер на клубот кој ќе се натпреварува во АБА 2 лигата. Подгорица е во група со Пелистер, па битолчани ќе имаат прилика да играат против братот на Јанис Адетокумбо. Шанса за дуел со Адетокумбо ќе имаат и МЗТ Скопје и Работнички, но во плејофот на АБА 2.
Во минатата сезона, Алекс играше во развојната Г-лига во САД и за литванскиот клуб Мажеикаи.
