Алашкерт испиша историја за ерменскиот фудбал
Ерменскиот шампион најмалку ќе игра во групната фаза на Конференциската лига, прв ваков успех за клуб кој доаѓа од оваа земја
Алашкерт со триумфот од 3-2 во реваншот против Каират Алмати по 120 минути игра обезбеди двомеч против Глазгов Ренџерс во плејофот од Лигата на Европа.
Ова е историски успех за ерменскиот фудбал, бидејќи Алашкерт ќе се бори за пласман во групната фаза во второто по квалитет натпреварување на УЕФА, па и да загуби од шкотскиот првак, ќе игра во групната фаза на новото натпреварува, Лигата на конференции.
Никогаш претходно тим од Ерменија не остварил ваков успех, но актуелниот фудбалски шампион на оваа земја испиша историја благодарение на двојниот стрелец Ембало, како и Глишиќ кој го постигна победничкиот гол за 3-2 во 104-тата минута од дополнителните 30 минути.
Armenian champions @FCAlashkert beats @fc_kairat 3:2 in extra time at least securing its place in @europacnfleague group stage.
The black-yellows will face @RangersFC trying to advance to the @EuropaLeague group stage.#Armenia #Football #UEFA #Alashkert pic.twitter.com/6zhyBg4d2d
— Official Armenian FF (@OfficialArmFF) August 12, 2021
