Менаџерот на Манчестер јунајтед, Рубен Аморим, навести можна разделба со двајца незадоволни играчи. Станува збор за Џошуа Зиркзе и Коби Мејну, кои целосно паднаа во втор план и сакаат да заминат во јануари за да се наметнат кај селекторите Роналд Куман и Томас Тухел пред Мундијалот следното лето.
„Клубот секогаш е на прво место и тоа мора да биде приоритет. Мораме да размислиме за тимот и што ни е потребно, а потоа и дали нивното заминување ќе биде исплатливо за клубот. Потоа, сè е можно“, изјави Аморим.
Зиркзе оваа сезона има само пет настапи и вкупно помина само 90 минути на терен без постигнат гол, додека Мејну одигра нешто повеќе, осум натпревари со вкупно 228 минути.
Јасно е дека нема да се најдат на Светското првенство доколку останат во Јунајтед до крајот на сезоната.
