Манчестер јунајтед летово плати повеќе од 50 милиони евра за да го доведе голманот Андре Онана од Интер. Онана беше доведен како замена за Давид де Хеа откако челниците на клубот решија дека шпанскиот голман по 12 години поминати на „Олд Трафорд“, веќе не им е потребен.
Онана лошо започна во Манчестер јунајтед и на неколку натпревари имаше очајни одбрани, а англискиот гигант токму поради него и ги губеше натпреварите. Камерунскиот голман сепак верува дека е вистинска опција во Манчестер јунајтед, па дури реши целосно да се посвети на клупската кариера.
Камерунецот реши да не игра на Африканскиот куп на нациите кој ќе биде во јануари следната година. Оваа одлука на Онана ги налути камерунските навивачи, но тој најавил дека сака да се фокусира на кариерата во Манчестер, а јануари е еден од клучните месеци во англиското првенство, па голманот не сака да не биде во составот во тој период.
Во репрезентацијата на Камерун има 34 настапи, а на клупски план Онана освен во Интер, бранеше и во Ајакс.
🚨 André Onana is reluctant to take time away from Manchester United to play for Cameroon at the Africa Cup of Nations in January after a difficult start to his career at Old Trafford.
His priority is to focus on United.
(Source: @RobDawsonESPN) pic.twitter.com/CqIDzTjLxf
— Transfer News Live (@DeadlineDayLive) October 5, 2023
