Поранешниот играч од средниот ред на Барселона, Андрес Иниеста, објави дека тој и неговата компанија Never Say Never го купиле данскиот фудбалски клуб Хелсингор.
Тимот е основан во 2005 година и ги игра домашните натпревари на стадион со вкупен капацитет од над 4000 гледачи.
Во моментот Хелсингор игра во третата лига по ранг во земјата. Во сезоната 2017/18 учествуваше во данската Суперлига.
„Фудбалот и спортот во целина се тоа што го сакам. Тоа што го велат е многу позитивно. Сигурен сум дека можам да му се приклучам на клубот и да се обидам да го внесам сето мое искуство стекнато во различни услови и да се обидам да го развијам и да го подобрам сето тоа,“ ги цитира „Спорт ТВ 2“ зборовите на Иниеста.
Фудбалерот објави крај на одличната кариера во октомври оваа година на 40-годишна возраст. Негов последен клуб беше Емирејтс од ОАЕ.
Како дел од Барселона, тој стана деветкратен шампион на Шпанија, шестпати го освои Кралскиот куп и има четири трофеи во Лигата на шампионите.
Покрај тоа, со Шпанија тој е светски шампион и двократен европски шампион.
