Герет Саутгејт го објави списокот на англиската фудбалска репрезентација за Мундијалот во Катар, каде што Гордиот Албион е еден од фаворитите за светската круна.
На списокот се 26-мина репрезентативци, со тројца голмани, а има и искусни и млади фудбалери.
Столб на одбраната ќе биде Хари Мегваер, а за голови во нападот ќе биде задолжен неговиот имењак Хари Кејн.
Најмногу фудбалери има од редовите на актуелниот англиски првак Манчестер сити, дури шестмина, а единствен „странец“ им е Џуд Белингам, кој игра за Борусија Дортмунд во Бундеслигата.
https://twitter.com/England/status/1590705917229551616?s=20&t=VhDWSsYr107vKBRkJeuyFA
Англија во првата фаза ќе игра во Б групата со Иран, Соединетите Американски Држави и Велс.
Премиерниот меч им е закажан за 21 ноември од 14 часот против Иран и тоа ќе биде вториот дуел на шампионатот, по тој на 20 ноември меѓу домаќинот Катар и Еквадор.
