Лестер, Астон вила, па сега и Вулверхемптон му зеде мерка на Арсенал со триумф од 2-1 на „Емирати“, по што Волците се одмаздија за хорор повредата на Раул Хименес, кој по воздушен дуел со Давид Луис заврши во болница.
Страотниот инцидент на стартот од средбата не ги извади од ритам фудбалерите на двете екипи, а Вулверхемптон тргна по изненадување со погодокот на Нето во 27-мата минута.
https://twitter.com/BGoals24/status/1333134999986515969
Израмнувањето следуваше само три минути подоцна, Габриел со глава го совлада Руи Патрисио, што беше најава за супер интересна пресметка во Лондон. Нов шок за домаќините следуваше пред паузата, Поденс искористи мешаница пред голот на Лено и во 42-рата минута го постави конечниот резултат.
https://twitter.com/jamlishsays/status/1333139353384660998
Арсенал сега има повеќе порази (5) отколку победи (4) по 10 кола во Премиер лигата и останува на 10 бода, односно на 14-тото место на табелата. Вулверхемптон се искачи до шестото место со 17 бода.
