Арсенал со 2:1 беше поразен на гостувањето во Франција од Ленс, иако Топчиите водеа со 1:0. Габриел Жезус погоди за 1:0, но домаќините брзо вратија со голот на Томасон.
Во 34-тата минута Арсенал доби нов шок, но овојпат не беше во вид на гол. Се повреди Букајо Сака. Еден од најдобрите играчи на Арсенал, во 34-тата минута мораше предвреме да го напушти теренот, а тоа како да даде дополнителна сила за Ленс, кој во вториот дел даде втор гол за победа од 2:1.
По завршување на мечот, тренерот на Топчиите, Микел Артета кратко искоментира дека повредата на Сака „не изгледа добра“. Дополнителните прегледи треба да ја дадат вистинската дијагноза и тоа колку Сака ќе паузира, но речиси е сигурно дека нема да биде подготвен за следниот меч, а тоа е големото дерби против Манчестер сити во Премиер лигата.
🚨 Mikel Arteta on Bukayo Saka injury: “It doesn’t look good”, told @arilasos. pic.twitter.com/ip25zsLLgS
— Fabrizio Romano (@FabrizioRomano) October 3, 2023
