Марко Асенсио по една полусезона мината во Астон вила на позајмица, се врати во ПСЖ, но на Светското клупско првенство забележа само три настапи, а во игра мина 52 минути.
Тоа е јасен знак дека не е во плановите на Луис Енрике, а раководството на ПСЖ е подготвено да го продаде и за многу пониска цена од неговата вредност, која во моментов изнесува 20 милиони евра.
Шпанецот во редовите на „светците“ дојде во 2023 година бесплатно од Реал Мадрид, а сега интерес за него има од Интер и Фенербахче. Приоритет за фудбалерот е преселба во Милано, но засега не се познати деталите што му нуди Интер.
Познато е дека Фенербахче испрати понуда до неговите менаџери за договор на три сезони со можност за продолжување на уште една, за годишна плата од пет милиони евра.
