Аталанта беше многу блиску до прекин на неверојатната серија од 30 меѓусебни дуели без триумф против Јувентус, но повторно не успеа да слави и по 29 години остана без комплетен успех против Старата Дама.
Гостите од Бергамо апсолутно ја заслужија победата, двапати водеа, а шампионот се спасуваше со головите од пенал што ги реализираше Кристијано Роналдо, па мечот заврши нерешено 2:2.
Дуван Запата го отвори резултатот со гол во 16. минута, а првото полувреме мина во комплетна доминација на Аталанта.
https://twitter.com/ParcerosUnited/status/1282044739701944320?s=20
Јувентус имаше многу проблеми со опасните гости и речиси и да немаше ниту една шанса до 55. минута кога беше досуден пенал за домаќините.
По центаршутот на Пауло Дибала топката го удри в рака Де Рон и судијата Џакомели покажа на белата точка. Кристијано Роналдо беше прецизен и го реализира 10. пенал за Јувентус сезонава и го постигна 27. гол во Серија А.
Cristiano Ronaldo goal vs Atalanta
— Cristiano Ronaldo News 7️⃣ (@CRonaldoNews) July 11, 2020
Сепак храбрите гости од Бергамо кои пристигнаа во Торино со страшна серија од 9 победи по ред во првенството стасаа на прагот на победа со голот на Малиновски во 81. минута.
https://www.youtube.com/watch?v=ADKfkBKP7Ag
За Јувентус беше досуден уште еден пенал во самиот финиш, а Роналдо повторно погоди во 90. минута за 2:2
https://www.youtube.com/watch?v=IvQCxmsHfwc
Јувентус останува лидер на табелата со 76 бода, а Аталанта е на третото место со 67 бода на шест кола до крајот на сезоната во Калчото