Невидена драма се случи на „Ванда Метрополитано“, а судијата Турпан прво досуди крај на мечот меѓу Атлетико Мадрид и Баер Леверкузен со резултат 2:2, а потоа досуди пенал за домаќините.
Караско го утна пеналот и потоа домаќините не погодија двапати од одбиена топка и Атлетико испадна со ремито 2:2.
По одбраната на Храдецки, Саул Нигес ја погоди пречката, а шутот на Реиналдо беше блокиран во најдраматичите моменти вечерва во Лигата на шампионите.
https://twitter.com/Issam830/status/1585376004008468480?s=20&t=EGHT1U-sBugzQuGGt4ZwQA
Пак се гледаше ВАР за да се провери дали голманот Храдецки бил со едната нога на гол-линијата и откако беше утврдено дека не го прекршил правилото, беше означен крај со резултат 2:2.
Со тоа популарните Јорганџии доживеаја невидена трагедија, а среќата само за неколку минути им го сврте грбот.
Мечот беше завршен кога францускиот судија доби повик од ВАР-собата да го прегледа евентуалното играње со рака во шеснаесетникот на Баер.
По прегледување на спорниот момент со помош на ВАР-системот, беше досуден пенал, а домаќините утнаа и за нив недостижна е нокаут-фазата, каде што од нивната група ќе играат Бриж и Порто.
Баерн рутински со 3:0 ја победи Барселона на „Камп ноу“ со головите на Садио Мане и Ерик Максим Чупо Мотинг и на Бењамин Павард и официјално ги испрати Каталонците во Лигата на Европа.
Барселона и пред стартот на дуелот од петтото коло знаеше дека нема да продолжи во Лигата на шампионите, а како што одигра вечерва против Баерн, потврди и дека не заслужува да биде во нокаут-фазата.
Барселона е петкратен европски првак, а и четирикратниот Ајакс вечерва е елиминиран од Лигата на шампионите.
Копјаниците пак загубија од Ливерпул, сега во Амстердам со 0:3 и во последното коло ќе играат за Лигата на Европа во Глазгов против Ренџерс.
Sublime Salah goal for Liverpool but this is all about Henderson’s pass… outside of the boot. Ridiculous!#AJALIV #UCL
— Sacha Pisani (@Sachk0) October 26, 2022
Наполи со Елиф Елмас во стартниот состав го декласира Глазгов ренџерс со 3:0 и со Баерн се единствените два тима што имаат максимален учинок од пет победи во пет кола.
This could be another Napoli rout & long night for Rangers.
Simeone’s second goal gives Napoli a 2-0 lead after 15 minutes.
Napoli are having so much fun atm.#NapoliRangers #UCL pic.twitter.com/9lu0dCoh6S
— Sacha Pisani (@Sachk0) October 26, 2022
Најзаплеткано е во Д групата, каде што Тотенхем одигра нерешено 1:1 со Спортинг и е лидер со 8 бода, пред Португалците со 7.
Во последните моменти домаќините дадоа гол за победа, но тој беше поништен и остана 1:1.
Ист број бодови, 7, има и Ајнтрахт Франкфурт, кој го победи Марсеј со 2:1 и го остави поранешшниот европски првак на последното место со 6 бода.