Баерн Минхен ги започна подготовките за новата сезона со контролен меч против германскиот нисколигаш Ротах Егерн и стигна до резултат кој не е за верување. Германскиот гигант победи со 27:0!
Избраниците на Томас Тухел не се штедеа против аматерскиот тим, посебно кога во првиот дел играа првотимците. Серијата погодоци започна со погодокот на Мусиала во третата минута, а веднаш потоа погоди и Гнабри.
До крајот на првото полувреме, Баерн постигна неверојатни 18 голови. Талентираниот тинејџер Матис Тел кој има само 18 години постигна пет голови во првиот дел, исто колку што даде и Џамал Мусиала.
Во второто полувреме во игра кај Баерн влегоа 11 нови играчи, па темпото на игра малку опадна и во вторите 45 минути беа постигнати „само“ девет голови. Во овој период најефикасен беше Марсел Сабицер со пет погодоци.
Bayern score 2️⃣7️⃣ in their first pre-season game 🤩⚽ pic.twitter.com/oyxrO7sGDJ
— 433 (@433) July 18, 2023
