Контроверзниот италијански фудбалер Марио Балотели во интервју за „Газета дело спорт“ изјави дека нереализиран фудбалски сон му е да игра за Реал Мадрид.
Некогашниот мегаталент утре полни 35 години и веќе е при крај со кариерата во која имаше многу турбулентни периоди. Рече дека сака да игра уште две-три сезони, играше за голем број клубови, често ја менува клупската средина, а сега би можелo да заигра во Серија Д бидејќи четвртолигашот Павија испрати официјална понуда за него.
Минатата сезона популарниот Бало го носеше дресот на Џенова, но и тоа беше една неуспешна авантура.
