Германскиот стручњак Ханси Флик пишува историја со Барселона, неговиот пристап отсекогаш е да оди на победа, никогаш не калкулира со нерешен исход.
Неговата порака до своите играчи е јасна: одете на победа, дајте сè од себе. И тоа се рефлектира во неговата статистика: 70 победи од 93 натпревари.
Оваа сезона има 26 победи и 5 порази, а само две ремија. Барса со Флик на клупата одигра само двапати нерешено во 33-те официјални натпревари одиграни досега: еднаш против Рајо Ваљекано во Ла Лига и оние 3-3 со Клуб Брижи во Лигата на шампионите.
Во последните 60 години, во оваа фаза од сезоната, само со Луис Енрике како тренер во 2014-2015 година, Барса има забележано два нерешени резултати.
