Бранителот на титулата во шпанскиот фудбалски куп, Барселона, ако сака да се пласира во полуфиналето на овогодишното издание ќе мора да слави на гостување на „Сан Мамес“ кај Атлетик во Билбао. Во првото коло од оваа сезона во првенството Билбао ја совлада Барса со 1-0, па и овојпат веројатно ќе има голема борба. Барселона и Атлетик се најтрофејни клубови според бројот на трофеи во Купот.
Двојките за четврт-финалето се: Реал Мадрид – Реал Сосиедад, Атлетик Билбао – Барселона, Гранада – Валенсија и Мирандес – Вилјареал.
Мечевите ќе се играат на 4,5 и 6 февруари. Нема реванши, се игра само еден меч.
