Барселона одигра ефектно и ефикасно против Дарушафака, на Каталонците им недостасуваа три поени до стотка, но и победата од 97:65 е убедлива.
Домаќините од стартот најавија дека нема да пропуштат шанса за деветта победа во Евролигата против слабиот противник. Барселона ги доби сите четири четвртини и на крајот славеше со 32 поени разлика, што им е најубедлива победа во овој циклус на натпревари во Евролигата.
Со 18 поени ги предводеше Томас Хертел, а најефикасен на мечот беше гостинскиот кошаркар Туни Даглас со 23 поени.
Барселона е на шестата позиција по 16 кола, додека Дарушафака е последна со само две победи.
