Шампионот на Шпанија, Барселона, сè уште ја разгледува можноста да го ангажира напаѓачот на Баерн Минхен, Хари Кејн, пишуваат шпанските медиуми. Каталонскиот клуб веќе стапил во контакт со луѓето од опкружувањето на англискиот голгетер, а првичните реакции околу евентуален трансфер биле позитивни.
Сепак, Барселона ќе се насочи кон Кејн само доколку не успее да ја реализира својата главна трансферна цел – Хулијан Алварес од Атлетико Мадрид.
🚨🚨 JUST IN: Barcelona are still targeting Harry Kane if they can’t sign Julian Alvarez.
Bayern would sit down to negotiate for offers over €80m.
The club have contacted Kane’s entourage, and the feedback has been positive over a possible move.
— @sport pic.twitter.com/6mCpscpOB6
— Barça Universal (@BarcaUniversal) June 1, 2026
Откупната клаузула на Кејн во висина од 65 милиони евра истекла пред неколку месеци, па доколку Барселона реши да тргне по него, ќе мора директно да преговара со Баерн Минхен. Германскиот гигант, според информациите, би започнал разговори за продажба од најмалку 80 милиони евра.
Кејн зад себе има извонредна сезона. Во сите натпреварувања одигра 51 натпревар, постигна 61 гол и забележа седум асистенции. Неговиот актуелен договор со Баерн Минхен е со важност до летото 2027 година.
