Бразилското десно крило Рафиња, од Лидс се сели во Барселона. Каталонците официјално потврдија дека имаат договор, а потписот ќе биде ставен откако Рафиња ќе ги мине лекарските прегледи.
Рафаел Диас Белоли, или нагалено Рафиња, е левучар, но игра како десно крило. Во минатата сезона, во Премиерлигата даде 11 гола на 36 меча, опасен изведувач е на слободни удари, а имаше и три асистенции.
Барса е пред продолжување на соработката со Усман Дембеле, кој истотака игра како десно крило, па тренерот Чави ќе треба на клупата за резерви да го остави или Бразилецот или Французинот. Дембеле дава помалку голови од Рафиња, но има многу повеќе асистенции и повеќе успешни дриблинзи.
Рафиња е четвртата принова на Барселона летово после Кристенсен, Кеси и Пабло Торе, а во најава е купување и на Левандовски, Маркос Алонсо и Аспиликуета.
