Фудбалерите на Барселона синоќа одиграа 0:0 на гостувањето кај Атлетик Билбао, но главоболките за тренерот Чави Ернандес и за навивачите не престануваат бидејќи се повредија две ѕвезди.
Во 26-тата минута Френки де Јонг со помош на возило го напушти теренот и според првичните информации, станува збор за повреда за зглобот на ногата, поради која најмалку еден месец ќе биде надвор од терените.
https://twitter.com/FabrizioRomano/status/1764416294701375726?ref_src=twsrc%5Etfw%7Ctwcamp%5Etweetembed%7Ctwterm%5E1764416294701375726%7Ctwgr%5E274c3ef41cd8e6b1d0d065684eab0bf5801239a1%7Ctwcon%5Es1_&ref_url=https%3A%2F%2Fsportske.jutarnji.hr%2Fsn%2Fnogomet%2Fnogomet-mix%2Ftezak-udarac-za-barcelonu-ostali-bez-dvije-zvijezde-pred-kljucnu-utakmicu-ne-izgleda-dobro-15434868
Според весникот „Ас“, Де Јонг ја обновил повредата на десниот зглоб поради која веќе четири недели отсуствуваше.
Кон крајот на првото полувреме, иста судбина имаше и Педри, кој наводно има посериозна повреда. Првичните наоди се дека станува збор за повреда на десната натколеница, а за тоа како се чувствува младиот фудбалер, најдобро покажуваа снимките на социјалните мрежи, на кои се гледа како Педри плаче откако излезе од игра.
Повредите на Педри и Де Јонг се голем удар за Барселона пред реванш-натпреварот од осминафиналето во Лигата на шампионите против Наполи, за којшто Чави сигурно нема да може да смета на овие двајца фудбалери.
