Фудбалерите на Барселона синоќа одиграа 0:0 на гостувањето кај Атлетик Билбао, но главоболките за тренерот Чави Ернандес и за навивачите не престануваат бидејќи се повредија две ѕвезди.
Во 26-тата минута Френки де Јонг со помош на возило го напушти теренот и според првичните информации, станува збор за повреда за зглобот на ногата, поради која најмалку еден месец ќе биде надвор од терените.
🚨🔵🔴 Xavi: “Pedri and de Jong’s injuries do not look good, unfortunately. It seems serious”.
“We are sad, as I think they will be out for some time”. pic.twitter.com/P0BYT7DqY0
— Fabrizio Romano (@FabrizioRomano) March 3, 2024
Според весникот „Ас“, Де Јонг ја обновил повредата на десниот зглоб поради која веќе четири недели отсуствуваше.
Кон крајот на првото полувреме, иста судбина имаше и Педри, кој наводно има посериозна повреда. Првичните наоди се дека станува збор за повреда на десната натколеница, а за тоа како се чувствува младиот фудбалер, најдобро покажуваа снимките на социјалните мрежи, на кои се гледа како Педри плаче откако излезе од игра.
Повредите на Педри и Де Јонг се голем удар за Барселона пред реванш-натпреварот од осминафиналето во Лигата на шампионите против Наполи, за којшто Чави сигурно нема да може да смета на овие двајца фудбалери.
