Екипата на Барселона сака во своите редови да го донесе капитенот на Манчестер Сити, Илкај Гундоган. На турчинот договорот со “граѓаните“ му истекува на крајот од сезоната и засега нема намера да го продолжи.
“Каталонците“ од поодамна искажуваат интерес за Гундоган, но тој има уште неколку понуди. Интерес за турчинот има и од Арсенал и Милан, секако и од Саудиска Арабија, но и Манчестер Сити сака да го задржи. Сепак, со “граѓаните“ проблемот е околу должината на договорот.
Неговиот менаџер, воедно и вујко, Илхан Гундоган, ги демантира сите шпекулации и вели дека неговиот клиент е единствено сконцентриран на финалето на Лигата на шампионите.
