Раководството на Барселона сериозно размислува за засилување на одбраната во летниот трансфер-период и веќе ја разгледува можноста за преговори со централниот бек на Тотенхем, Кристијан Ромеро.
Каталонскиот клуб внимателно ја следи ситуацијата околу еден од клучните играчи на англискиот тим. Интересот за аргентинскиот дефанзивец се засилува поради неизвесноста околу резултатите на Тотенхем во тековната сезона.
Сепак, Барселона не е подготвена да ја плати бараната сума од околу 60 милиони евра.
За Ромеро постои интерес и од Атлетико Мадрид, каде што тренерот Диего Симеоне го гледа како приоритетно засилување во дефанзивата.
Во оваа сезона, Ромеро има одиграно 32 натпревари за Тотенхем во сите натпреварувања, при што постигна шест гола и запиша четири асистенции.
