Монца е тимот кој направи херојски потег и успеа во дебитантската сезона во Серија А на двапати да го победи Јувентус. Таков подвиг во дебитантска сезона против Јувентус му успеало само на Интер, и тоа во првата година од постоењето на Серија А во далечната 1930 година.
За да се најде друг тим кој во дебитантскиот настап ќе успее два пати во една сезона да го победи Јувентус, се чекаше дури 93 години, а тоа го направи Монца. Изненадувањето кое ретко кој го очекуваше се случи во Торино, кога гостите победија со 2:0.
Интересно е дека газдата на Монца, некогашниот италијански премиер и сопстеник на Милан, Силвио Берлускони, даде едно необично ветување. Берлускони им ветил на фудбалерите дека ако успеат да го победат Јувентус во Торино, ќе им обезбеди „автобус полн со проститутки“.
Сега многумина очекуваат ова ветување да биде исполнето, а и самиот Силвио вели дека е под притисок, иако тој тоа го кажал во шега.
„Повеќе од 100 луѓе ми велат дека треба да го исполнам ветувањето“, изјавил Берлускони, кој беше сопственик на Милан во периодот од 1986 до 2017 година.
