Ѕвездата на Манчестер сити, Бернардо Силва и јавно се откажа од трката за титулата сезонава во Премиер лигата. На половина од сезоната, актуелниот англиски првак е на шестото место на табелата со дури 14 бодови помалку од лидерот Ливерпул. Според Силва, тоа заостанување дава нула шанси на Сити да ја одбрани титулата во првенството.
„Едноставно треба да се помириме со реалноста. Во моментов не гледаме каде се наоѓаат Ливерпул и Арсенал затоа што ние сме на шестото место. За нас најважно е да освоиме три бода на следниот меч и да пробаме да стигнеме до четвртото или третото место на табелата. Дури на десетина кола до крајот ќе може да правиме калкулации за тоа која позиција може да ја бркаме. Во фудбалот нема невозможни работи, н, без сомнение, ние сме надвор од борбата за титулата. Луѓето велат дека не може да се освои титулата во јануари, но со сигурност може да ја загубиш во јануари“, рече Силва за „Скај спорт“.
Првиот меч на Сити во 2025 година ќе го игра утре, и тоа на домашен терен против Вест хем.
