Вуко Борозан одигра само 13 минути за Вардар на гостувањето кај Келце. Црногорскиот интернационалец направи непромислен потег, откако со десната рака нокаутираше еден од играчите на домаќините. Борозан како да знаеше дека тоа што го направи беше многу неспортски, па воопшто не се побуни за исклучувањето.
Вардар лошо го отвори мечот на ова гостување и губеше со 0:3. Потоа следеа голови на Дибиров и Борозан за 2:3, но Келце повторно со серија погодоци стигна до 8:4. Моментно се игра 17 минута, а Вардар е во негатива од четири гола (6:10). До овој момент Вардар има дури три исклучувања.
