Некогашниот младинец на Борусија Дортмунд, Антонио Ридигер, со голот во 60-та минута ја имаше иницијалната каписла која го лансираше Реал Мадрид до победата од 5-2 над Дортмунд, по негативата од 0-2, во најинтересниот вечерашен меч во Лигата на шампионите.
Реал не дозволи првпат во историјата да има два порази по првите три кола и покажа дека кога сака, знае да биде многу опасен и ефикасен. Винисиус постигна три гола, а погоди и Лукас Васкес кој го даде голот за водство од 3-2.
Интересно беше и во финишот во Торино каде Јувентус кој победуваше во прфвите две кола, вечерва против Штутгарт во 84-та минута остана без Данило кој беше исклучен и направи пенал. Но, голманот Перин го одбрани ударот од 11 метри. Сепак, во судиското продолжение гостите дадоа гол за победа.
Бојан Миовски одигра 70-тина минути за Жирона која со 2-0 го победи Слован Братислава и тоа е историски прв триумф за малиот каталонски клуб во ЛШ.
Лидер на табелата во ЛШ е Астон Вила која е единствена со 9 бодови. Англискиот тим велерва ја победи Болоња со 2-0 и уште нема примено гол.
