Борусија Менхенгладбах се раздели од тренерот Даниел Фарке, официјално потврдија од германскиот бундеслигаш. Тимот кој заврши на десетото место во германското првенство реши да му се заблагодари на тренерот кој помина само една сезона на клупата, иако имаше договор до 2025 година.
„По неколку интензивни разговори со Данел Фарке стигнавме до заклучок дека треба да тргнеме по различни патишта“, изјави спортскиот директор на Борусија Менхенгладбах, Роналд Виркус.
Borussia and Daniel Farke have parted company. An extensive analysis of the season carried out together has led to this decision.
Assistant coaches Edmund Riemer, Christopher John and Chris Domogalla will also leave the club. pic.twitter.com/81VM8qTLt8
— Gladbach (@borussia_en) June 2, 2023
Меѓу фаворитите кои може да седнат на испразнатото тренерско место во Борусија се споменуваат некогашниот тренер на Баер Леверкузен, Херардо Сеоане и тренерот на У23 тимот на Борусија, Еуген Полански.
Борусија Менхенгладбах е петкратен шампион на Германија, два пати го има освоено Купот на УЕФА, а во Лигата на шампиони последен пат играше во 2021 година.
