Реал Мадрид четврта година по ред е фудбалскиот клуб со најдобар коефициент на ранг-листата на УЕФА. Кралскиот клуб ги заврши 2015, 2016, 2017 и сега и 2018 година на врвот, а има 144.000 поени, пред Баерн и Барселона, кои се зад него со коефициент од 127.000 поени.
На четвртото место е Атлетико Мадрид со 125.000 поени, пред ривалот во осминафиналето во Лигата на шампионите, Јувентус со 120.000 поени.
Од македонските клубови, најдоброрангирана е Шкендија на 177-мото место на кое ја завршува 2018 година, пред Вардар на 208-мата позиција и Работнички како 239-то пласиран клуб во Европа.
Од 361-во до 366-то место еден до друг се наредени Шкупи, Пелистер, Силекс, Ренова и, што е интересно, Металург и Турново, екипи кои веќе не се натпреваруваат во ниту еден ранг на натпревари во Македонија.
